Katër ditë pas sulmit me armë ndaj makinës ku gjendej prokurori Arjan Ndoja, miku i tij Pëllumb Muharremi dhe shoferi i prokurorit, Andi Maloku, policia ka arrestuar një person të dyshuar si njëri nga atentatorët. <br />Ai është Redjan Rraja 34 vjeç, lindur dhe banues në Nikël të Fushë ? Krujës, ish ?stomatolog në burgun e Fushë ? Krujës, një emër i njohur për policinë, i përfshirë në disa ngjarje të rënda kriminale. <br />Burime të policisë thanë për Televizionin Klan se ai është kryesori mes tre atentatorëve.<br />Arrestimi i tij u bë me urdhër të Prokurorisë së Krimeve të Rënda, pasi ka rezultuar se në makinën tip Benz me targë AA342LM që u gjet e braktisur në fshatin Shkafanë, me dy automatike dhe me dy maska, janë gjetur gjurmë gishtërinjsh që përputhen me të tijat. <br />34-vjeçari është ndaluar në pikën e kalimit kufitar të Hanit të Hotit, teksa po tentonte të largohej nga Shqipëria. <br />Ai disponon dokumente kanadeze dhe prej kohësh jeton mes Shqipërisë dhe Kanadasë. <br />Nuk ka bërë rezistencë, por ka mohuar të ketë lidhje me ngjarjen, një version që i ka qëndruar edhe gjatë marrjes në pyetje në Drejtorinë e Policisë së Tiranës. <br />Hetuesit thonë se provat janë të pakundërshtueshme. Veç gjurmëve të gishtave, burime nga grupi hetimor pohojnë se janë gjetur edhe mbetje të pështymës së tij në njërën nga maskat. <br />Policia duket se ka rënë edhe në gjurmët e dy personave të tjerë që morën pjesë në atentat. Operacione në lidhje me ngjarjen janë zhvilluar në Tiranë, Krujë e Lushnjë. <br />Autoritetet janë të rezervuara për të sqaruar se cili është motivi i ngjarjes dhe kush ka qenë shënjestra e sulmit, prokurori Ndoja apo miku i tij i njohur si ?Rrumi i Shijakut?.<br />Por burime të policisë thone se Rraja dhe dy atentatorët e tjerë mund të jenë paguar nga ndonjë grup kriminal për ta kryer atentatin. <br />Redjan Rraja u regjistrua në dosjet e drejtësisë në Maj të vitit 2016, kur u vu në pranga dhe u dënua me 8 muaj burg për prishje të provave në atentatin ndaj Elton Çiços. <br />Ai ishte në krah të Çiços kur ky i fundit u qëllua nga Jani Aliaj në një lokal të njohur të Tiranës. <br />Emri tij doli sërish në skenë në ngjarjen e bujshme të 2018-tës, pas akuzave te ngritura ndaj kushëririt të tij, Rexhep Rrajës, djalit të deputetit socialist, Rrahman Rraja. <br />Ishte ish-oficeri i Fushë-Krujës, Emiljano Nuhu, që kallëzoi në polici se është kërcënuar nga Redjan dhe Ramazan Rraja, pasi e hetonte Rexhep Rrajën pas denoncimit për dhunë të Xhisiela Malokut. <br />Por për këtë ngjarje ai nuk u ndalua ndonjëherë.
