Prokuroria e Tiranës ka mbyllur hetimet për kreun e Partisë Demokratike, Lulzim Basha, në lidhje me çështjen kontratave të lobimit në Shtetet e Bashkuara, për zgjedhjet parlamentare të vitit 2017 dhe ka dërguar dosjen e tij në gjykatë.<br /><br />Basha rezulton i pandehur, nën akuzat për veprën penale, falsifikim të dokumenteve zyrtare. Ndërsa akuza për pastrim parash ka rënë.<br /><br />Së bashku me të, organi i akuzës ka dorëzuar në gjyq dosjen në ngarkim të Arben Ristanit, që mbante postin e Sekretarit të Përgjithshëm në kohën e nënshkrimit të kontratave të lobimit dhe financierit Ilir Dervishi.<br /><br />Edhe ata akuzohen për falsifikim të dokumenteve zyrtare, në lidhje me dokumentet që ata kanë dorëzuar në Komisionin Qendror të Zgjedhjeve për shpenzimet e fushatës elektorale.<br /><br />Vendimi i prokurorisë së kryeqytetit vjen pas letër-porosive nga SHBA.<br /><br />Fillimisht, Basha, Ristani dhe Dervishi u akuzuan se kanë fshehur një financim prej 650 mijë dollarë për lobim në SHBA nëpërmjet kompanisë së shtetasit Nik Muzin.<br /><br />Ky i fundit pritet të merret në pyetje në Shtetet e Bashkuara për llogari të hetimit,<br /><br />Prokurorisë së Tiranës i janë dashur rreth dy vite hetime për të dalë në konkluzionin së Lulzim Basha dhe dy funksionarët e lartë të kësaj Partisë Demokratike duhen të përgjigjen para gjykatës për financimin e dyshimtë të përdorur në fushatën elektorale.<br /><br />Prokuroria dyshon se paratë e lobimit gjatë fushatës janë financuar nga kompania Biniata Trade, një kompani offshore në pronarë ruse.<br /><br />Por Kryetari Basha ka mohuar që Partia Demokratike të këtë marrë financime nga kompani apo individë rusë.<br /><br />Tv Klan
