Redjan Rraja, i arrestuari i vetëm për atentatin ndaj prokurorit Arjan Ndoja dhe ku humbi jetën shoferi i tij Andi Maloku dhe u plagos Pëllumb Muharremi, do të kërkojë në Gjykatën e Apelit ndryshimin e masës së sigurisë.<br /><br />Përmes avokatit të tij, 34-vjeçari vazhdon t?i qëndrojë deklarimeve se nuk ka lidhje me ngjarjen, edhe pse organi i akuzës ka si provë një gjurmë gishti që u gjet në automjetin e braktisur. Dy ditë më parë, Gjykata e Krimeve të Rënda caktoi masën e sigurisë arrest me burg për Redjan Rrajën.<br /><br />Prokuroria dhe Policia vazhdojnë kërkimet për të ndaluar persona të tjerë që mund të këna marrë pjesë në atentat. Forcat speciale kanë bastisur banesën e një personi me precedent të theksuar kriminal në Lushnjë, por kontrolle janë ushtruar edhe në zonat përreth.<br /><br />Burime nga Policia e Shtetit bëjnë me dije se laboratori i Policisë Shkencore ka konfirmuar se plumbat e gjetura në vendin e ngjarjes, janë qëlluar nga armët e gjetura në mjetin që u braktis në fshatin Shkafanë të Ishmit.<br /><br />Sipas burimeve nga grupi hetimor, nga provat e gjetura në brendësi të automjetit, krahas disa gjurmëve të gishtave pritet të përfitohen edhe disa profile ADN-je për të bërë të mundur identifikimin e personave të tjerë.<br /><br />Tv Klan
