Volejbolli shqiptar kthehet në kupat e Europës dhe kjo te meshkujt ndodh me një derbi. Shorti në Challenge Cup vendosi përballë Partizanin dhe Erzenin.<br /><br />Të kuqtë janë kampionët në fuqi të Shqipërisë, ndërsa ekipi nga Shijaku në 2018. Një përballje që ndryshon për nga rëndësia kësaj here, por që në fund për trajnerin e Partizanit, Ylli Tomorri, fituesi do të jetë volejbolli shqiptar.<br /><br />?Unë mendoj që do të jenë ndeshje të forta dhe do të dhurojmë një volejboll të mirë. Është e mirë që në turin e dytë do të jetë një ekip shqiptar, kushdo që të jetë, Erzeni ose Partizani është nder për volejbollin shqiptar?.<br /><br />Arben Sako i Erzenit thotë se kjo sfidë do të jetë një mundësi për këta lojtarë, pasi disa prej tyre janë pjesë e Kombëtares.<br /><br />?Në këto dy skuadra janë të ndërthurur lojtarët më të mirë shqiptarë, që do të thotë që edhe performanca që do të bëjnë këta lojtarë në kupat e Europës do të jetë një hap shumë i madh për volejbollin shqiptar?.<br /><br />Ndeshja e parë do të luhet të mërkurën në Tiranë, ajo e kthimit më 27 Nëntor në Durrës. Skuadra që kualifikohet në fazën tjetër do të përballet me Powervolley Milano. <br /><br />Tv Klan
