Vendimi i dy prokurorëve të Prokurorisë së Tiranës, Ervin Karanxhës dhe Gjergji Takos, për të pushuar akuzën e pastrimit të parave ka lënë shumë pikëpyetje.<br /><br />Për këtë vendim, Drejtuesja e Prokurorisë së Tiranës, Elizabeta Imeraj, ka bërë me dije për Report TV se u ka kërkuar me shkrim informacion dy prokurorëve.Imeraj ka kërkuar nga dy prokurorët e çështjes që të sqarojnë se përse nuk është marrë në pyetje Nik Muzin, pas marrjes së dokordësisë nga pala amerikane, që lejonte prokuroritë shqiptarë për të pasur dëshminë e tij.<br /><br />Gazetari i Report TV, Arsen Rusta raporton se Imeraj ka kërkuar sqarim për mënyrën sesi është përjashtuar nga vendimi, prokurori tjetër, Kol Hysenaj, dhe vënien në dispozicion të procedurës së ndjekur.<br /><br />Për të sqaruar paqartësitë e këtij vendimi, dy prokurorët kanë tre ditë kohë, ndërsa Imeraj ka paralajmëruar se vendimi në fjalë është nul nëse nuk është respektuar ligji.<br /><br />Prokuroria e Tiranës mori të pandehur kreun e opozitës Lulzim Basha për dosjen e lobimit me para ruse në SHBA në zgjedhjet parlamentare të 2017-ës, dhe i kërkon gjykatës të caktojë datën e gjyqit për Bashën, Arben Ristanin dhe financierin e PD Ilir Dervishin.<br /><br />Sipas njoftimit të siguruar nga Report Tv, Basha është i pandehur vetëm për falsifikim formulari në lidhje me deklarimet e shpenzimeve pranë KQZ, ndërsa akuza e ?Pastrimit të produkteve të veprës penale ose veprimtarisë kriminale", ka rënë.
