Ky është momenti kur banorët e zonës së Astirit iu përgjigjën me molotov e gurë punonjësve të Inspektorit Kombëtar për Mbrojtjen e Territorit qe nisën shembjen e objekteve që preken nga projekti i nënkalimit të Unazës së Madhe.<br /><br />Një bombë me molotov shpërthen fare pranë një autobusi me pasagjerë, i cili fatmirësisht shpëton nga zjarri.<br /><br />Sulmit të banorëve, policia iu kundërpërgjigj me gaz lotsjellës. Nga përleshja, 12 persona mbetën të plagosur, mes tyre 5 punonjës të policisë dhe 7 banorë. 8 prej tyre lanë ambientet e Spitalit të Traumës dhe vetëm 4 protestues po marrin ende ndihme mjekësore.<br /><br />Fillimisht Partia Demokratike raportoi se nga përplasja një protestues kishte humbur jetën. Por fatmirësisht, asnjë nga banorët dhe efektivët e plagosur nuk pati rrezik për jetën.<br /><br />Pas përplasjes në orët e para të mëngjesit, situata u qetësua dhe Inspektoriati vijoi me prishjen e 33 objekteve që preken nga projekti i përfolur për shkak se tenderi i parë u fitua nga kompania ?DH Albania? me dokumente të falsifikuara.<br /><br />Shembja e objekteve i hap rrugë ndërtimit të nënkalimit tek sheshi ?Shqiponja?, një nyje që pritet të lirojë trafikun në kryeyqytet.<br /><br />Nga 33 objektet që do të shemben, 21 prej tyre janë shpronësuar, ndërsa pjesa tjetër është skualifikuar nga procesi i legalizimit. Për pronarët e objekteve pa leje, Bashkia e Tiranës ka ofruar bonus qiraje për 3 vite ose banesa sociale, por kjo ofertë është refuzuar prej tyre.<br /><br />Tv Klan
