Të votuara nga Kuvendi dhe të përshëndetura nga përfaqësitë diplomatike të SHBA dhe BE, anëtaret e reja të Gjykatës Kushtetuese që të marrin zyrtarisht detyrën e re do të duhet më parë të betohen përpara kreut të shtetit. <br />I njëjti përcaktim është parashikuar në Kushtetutë për të 9 anëtarët e kësaj gjykate, pavarësisht se përzgjidhen nga Presidenti, parlamenti apo Gjykata e Lartë.<br />Dhe kjo vlen dhe për rastet si ai i Arta Vorpsit, që u emërua automatikisht pas skadimit të afatit 30 ditor, edhe pse kreu i shtetit kishte kërkuar pezullim të procesit të zgjedhjes për t?u respektuar procedura, që sipas tij, ishte shkelur nga KED.<br />Në Kushtetutë nuk ka afat të përcaktuar se kur duhet të zhvillohet ceremonia e betimit, ndaj gjithçka varet nga vullneti i kreut të shtetit.<br />Deri tani asnjë nga anëtarët e reja të Gjykatës Kushtetuese nuk e ka bërë betimin. Kjo edhe për faktin se presidenti ka qenë pjesëmarrës në Forumin e Paqes në Paris. <br />Megjithatë, Presidenca nuk pranoi të bënte komente e pyetur nga Tv Klan, nëse do të mbahej ceremonia e betimit.<br />Burime pranë mazhorancës i thanë Televizioni Klan se presidenti duhet ta zhvillojë procedurën e betimit, pasi në të kundërt do të shkelë Kushtetutën. <br />Por sipas të njëjtave burime, nëse kjo do të ndodhe, maxhoranca po mendon për një zgjidhje tjetër ligjore.
