Një 34-vjeçar u gjet i pajetë në orët para të mëngjesit në lagjen Kushtrim të Vlorës. Viktima Kreshnik Dashaj u gjet nga kalimtarët anës rrugës, shumë pranë banesës së tij.<br /><br />Fillimisht u raportua se ai kishte ndërruar jetë si pasojë e një arresti kardiak, por pas ekspertizës mjeko ligjore, rezultoi se i riu ishte qëlluar me armë në shpatull.<br /><br />Mësohet se 34-vjeçari po kthehej në shtëpi pasi kishte lënë punën në mesnatë. Ai punonte në një fabrikë këpucësh.<br /><br />Uniformat blu bëjnë me dije se Kreshnik Dashaj nuk njihet si person me precedentë penalë.<br /><br />Në Policinë e Vlorës është ngritur një grup i posaçëm hetimor që ka marrë menjëherë në pyetje të afërmit e tij në përpjekje për të zbardhur autorët dhe rrethanat e vrasjes.<br /><br />Tv Klan
