Ngritja e Gjykatës Kushtetuese prej ditës së djeshme ka marrë një tjetër rrjedhë. Ndërkohë sot në ambientet e kësaj Gjykata kanë shkuar dy anëtaret të cilat janë emëruar për të njëjtin vend pune, Arta Vorpsi dhe Marsida Xhaferllari. E para në Gjykatën Kushtetuese ka mbërritur Vorpsi ndërsa disa minuta më pas është paraqitur në këtë gjykatë edhe Xhaferllari. <br /><br />Pas emërimit pasditen e së mërkurës të Marsida Xhaferllarit, nga Presidenti Ilir Meta si anëtare e Gjykatës Kushtetuese, ky institucion u fut në kaos për shkak se më parë ishte emëruar anëtarja Arta Vorpsi, automatikisht si e para në listë pas përfundimit të afatit 30 ditorë që presidenti Meta kishte në dispozicion për të zgjedhur. <br /><br />Tashmë procesin i krijimit të organit më të lartë ligjor në Shqipëri është kthyer në një 'betejë' mes presidentit Meta dhe mazhorancës duke vënë në pikëpyetje serioze procesin e formësimit të saj.<br /><br />Mbrëmjen e djeshme, në Presidencë u zhvillua ceremonia e betimit të 3 anëtarëve të Gjykatës Kushtetuese, Elsa Toska, Besnik Muçi dhe Marsida Xhaferllari.<br /><br />Nga ana tjetër Arta Vorpsi që në renditjen e Këshillit të Emërimeve në Drejtësi është vlerësuar si e para me pikë për t?u zgjedhur në Gjykatën Kushtetuese, u shpall edhe në fletoren zyrtare, megjithatë ajo nuk mund ta fillojë detyrën pa bërë betimin tek presidenti Meta.
