Do të flasim në nisje të këtij edicioni për situatën e krijuar në Gjykatën Kushtetuese ku një ditë më parë u betuan për të njëjtin vend, dy anëtare të saj.<br />Kështu janë paraqitur sot në detyrë edhe Arta Vorpsi, e cila e zyrtarizoi mandatin e saj përpara një noteri, edhe Marsida Xhaferllari e cila u betua në mbrëmje përpara Presidentit të Republikës.<br />Ato kanë shmangur komentet për mediat, por janë paraqitur të dyja me pretendimin se janë anëtare të Gjykatës Kushtetuese.<br />I kontaktuar për këtë situatë, Sekretari i Përgjithshëm i Gjykatës Kushtetuese Eugen Papandile tha për Tv Klan se shumë shpejt ky institucion do të dalë me një deklaratë për shtyp lidhur me procedurën administrative për këtë rast. <br />?Një gjë është e sigurt që edhe unë si Sekretar i Përgjithshëm do të zbatoj Kushtetutën dhe ligjin?, thotë ai në reagimin e tij.<br />Marsida Xhaferllari u dekretua nga Presidenti i Republikës, por KED thotë se firma u hodh jashtë afateve dhe se u përzgjodh jashtë 3 emrave të parë të listës duke njohur për këtë vend Arta Vorpsin.
