Disa vende europiane po vujanë pasojat e motit të keq me reshje të dendura shiu e dëbore. Rajonet qëndrore të Britanisë së Madhe këto ditë po përjetojnë një tjetër valë përmbytjesh brenda një jave.<br /><br />Situata është problematike veçanërisht në Natingem dhe rrethinat, ku disa rrugë janë bërë të pakalueshme për shkak të përmbytjeve. Disa lumenj kanë dalë nga shtrati.<br /><br />Në Venecia, niveli i ujit ka rënë me rreth 33 centimetra dhe aktualisht ndodhet në 1 metër e 54 centimetra lartësi. Gjendja e emergjencës është në fuqi. Qendra historike e destinacionit të famshëm turistik italian vijon të jetë e mbuluar nga uji.<br /><br />Ndërsa veriu i Spanjës është goditur nga stuhi të forta dëbore, me një shpejtësi ere deri 120 km/orë, që ka paralizuar qarkullimin në rajonet e Galithias dhe Asturias.<br /><br />Tv Klan
