Dosja në ngarkim të numrit një të Partisë Demokratike Lulzim Basha i akuzuar së bashku me dy zyrtarë të lartë të kësaj partie në lidhje me çështjen kontratave të lobimit në Shtetet e Bashkuara, nuk ka shkuar ende në Gjykatë.<br /><br />Nëntë ditë më parë prokuroret Gjergji Tako dhe Ervin Karanxha mbyllën hetimet vetëm me akuzën e falsifikimit dhe rrëzuan atë të pastrimit të parave, për të cilën nisën hetimet dy vjet më parë, pas një shkrimi të revistës amerikane ?Mother Johnes?.<br /><br />Në shkrim, hidheshin dyshime se 650 mijë Dollarë i ishin paguar Nik Muzin nga ?Biniata Trade?, nje kompani me pronarë ruse, për llogari të Partisë Demokratike.<br /><br />Por prokurori tjetër i çështjes, Kolë Hysenaj, nuk u pajtua me vendimin për të mbyllur hetimet, duke sjellë kështu bllokimin e dosjes.<br /><br />Hysenaj mësohet se nuk ka qenë dakord me mbylljen e hetimeve pa u marrë në pyetje shtetasi amerikan Nik Muzin, i cili konsiderohet një person kyç në këtë çështje.<br /><br />Drejtuesja e Prokurorisë së Tiranës Elisabeta Imeraj u kërkoi dy prokurorëve që dërguan dosjen në gjykatë, një relacion me shkrim se pse nuk e kanë pyetur shtetasin amerikan Nik Muzin në kohën që autoritetet amerikane kanë qenë dakord për marrjen e tij në pyetje.<br /><br />Ajo ka 3 ditë afat për përgjigjen, por edhe pas kalimit të këtij afati, dosja ka ngelur në Prokurori dhe nuk i është përcjellë Gjykatës, e cila do të vlerësojë nëpërmjet gjykatësit paraprak nëse do të shkojë për gjykim apo do të kthehet për t?u plotësuar me hetime të mëtejshme.<br /><br />Tv Klan
