Ish-kryeministri Sali Berisha u takua me Presidentin Ilir Meta këtë të mërkurë. Ish-kreu i qeverisë pati një prononcim për mediat në përfundim të takimit.<br /><br />Pasi u pyet nga gazetarët, Berisha deklaroi se nuk kishte diskutuar me Metën për shpërndarjen e parlamentit. Megjithatë theksoi se nëse do të kishte qenë President do ta kishte shpërndarë Kuvendin pasi është në shkelje të Kushtetutës.<br /><br />?Do ta kisha shpërndarë. Ky parlament në vlerësimin tim nuk mund të mblidhej kurrë në Shtatorin që shkoi pa shpallur gjendje të jashtëzakonshme sepse është në thyerje flagrante të Kushtetutës. Këta narko-trafikantë nuk mund të hynin dhe ti servireshin shqiptarëve si parlament, ndërkohë që parlamenti në Kushtetutë e ka caktuar 140 deputetë. Për mua ai parlament meritonte gozhdimin e dyerve që në Shtatorin e shkuar?, tha Berisha.<br /><br />Ndër të tjera, Berisha foli për kapjen e drejtësisë sipas tij nga ana e kryeministrit Rama. Për sa i përket ngërçit në Gjykatën Kushtetuese, Berisha tha se Presidenti po mbron Kushtetutën. /tvklan.al
