Arkiva Lajme - Tv Klan 2000<br /><br />Gratë socialiste u mblodhen sot në Kongresin e 2-të, për të përcaktuar piketat për zhvillimin e ardhshëm në PS por edhe ato në vend. Pas 8 vitesh të krijimit të tij, ky forum anëtaret e së cilit sot drejtojnë dhe marrin pjesë në qeverisje, parlament etj, sot kanë diskutuar për dhënien e një fizionomie të re e bashkëkohore si dhe për të realizuar idenë e barazisë me burrat në drejtimin e vendit. Në këtë kongres merrte pjesë edhe kryetari i PS Fatos Nano dhe kryeministri Ilir Meta. Kryesocialisti Nano në përshëndetjen për kongresin e forumit të grave ka nënvizuar nevojën e hartimit të politikave konkrete në nivele partiake, shtetërore dhe të shoqërisë civile, për integrimin e gruas në të gjitha nivelet e jetes politike, ekonomike dhe sociale të vendit. Nano flet edhe për grevën e artisteve të TOB duke thënë se aksionet me mjete ekstreme sigurisht do të marrin përgjigje të prerë. Askush të mos mendoj se do të tërheq zvarrë PS për interesa personale. <br /><br />Fatos Nano, kryetari i PS:- ?Në rast se harron për një çast e shkuara kthehet, herë me fytyrën e Berishës herë me atë të Millosheviçit, por edhe në forma të tjera si injorimi i ligjit dhe shtetit. Si Shqiptar kemi patur nga të gjitha si socialist do t?i kurojmë nga të gjitha?. <br /><br />Më pas kongresi ka vazhduar punimet me diskutimet e delegateve ku janë nënvizuar probleme të ndryshme që shqetësojnë sot gratë socialiste./tvklan.al<br /><br />Gazetare ? Ornela Bego
