Pulë me gështenja dhe kërpudha <br />Përbërësit: <br />1 pulë 1.5 kg <br />Kripë <br />1 lugë kafe piper i kuq <br />Rozmarinë <br />Trumzë <br />Dafinë <br />50 gr gjalp <br />4 qepë të vogla <br />3 lugë gjelle vaj ulliri <br />100 gr pançetë <br />500 gr kërpudha <br />350 gr gështenja <br />Piper i zi <br />Përgatitja: <br />Pastrojmë pulën dhe në pjesën e brendshme të saj vendosim pak kripë dhe pak piper të kuq dhe nëse keni erëza të freskëta, rozmarinë dhe trumzë vendosim nga një degë brenda në bark. Lidhim këmbët e pulës. (Nëse erëzat nuk i keni të freskëta atëherë nga pak nga këto erëza i përziejmë me gjalp dhe i vendosim në barkun e pulës). <br />Masazhojmë me pak kripë pulën nga jashtë, e vendosim atë në tavë, e lyejmë me pak vaj ulliri nga jashtë, vendosim disa copa gjalpi mbi të dhe e vendosim pulën në furrë në temperaturë 180 -190 gradë Celsius për 30 minuta. <br />Presim qepën Chalotte në fije, kërpudhat I presim në dysh nëse janë të vogla dhe në katërsh nëse janë më të mëdha. <br />Në një tigan ngrohim vajin dhe kavardisim qepën derisa të zbutet, shtojmë pançetën dhe I lëmë derisa qepa dhe pançeta të jenë karamelizuar. Shtojmë kërpudhat, I kavardisim pak në temperaturë të lartë, më pas shtojmë gështenjat. <br />Rregullojmë shijen me kripë, i lëmë të ziejnë për 3-4 minuta. Nxjerrim pulën nga furra, e spërkasim atë me lëngun që ka lëshuar dhe shtojmë mbushjen përreth saj. Vendosim përsëri tavën në furë në temperaturë 170 gradë, për 30 minuta të tjera.
