TIRANE-Një ditë pasi u kërkoi shqiptarëve që të mbledhin 50 mijë firma dhe ti kërkojnë që të zhvillojë referendum, Presidenti Ilir Meta shprehet se ditën e hënë do të propozojë idenë konkrete për çështjet që do të shtrojë përpara shqiptarëve. Meta thotë se populli nëpërmjet 50 mijë firmave ka të drejtën e referendumit për shfuqizimin e një ligji, por akuzon klasën politike se nuk nxjerrë ligjin për zbatimin e këtij detyrimi kushtetues duke e bërë të pamundur. Kreu i shtetit thotë se përballë kësaj situate kur politika nuk mban përgjegjësi dhe di vetëm të thellojë krizat, tani do të bëjë çdo gjë për t?ia dhënë fjalën sovranit.<br /><br />"Të dashur qytetarë! Ja çfarë ka vendosur populli shqiptar në referendumin për Kushtetutën:<br />Neni 150<br />1. Populli, nëpërmjet 50 mijë shtetasve me të drejtë vote, ka të drejtën e referendumit për shfuqizimin e një ligji, si dhe t?i kërkojë Presidentit të Republikës zhvillimin e referendumit për çështje të një rëndësie të veçantë.<br />2. Kuvendi, me propozimin e jo më pak se një së pestës së deputetëve ose me propozimin e Këshillit të Ministrave, mund të vendosë që një çështje ose një projektligj i një rëndësie të veçantë të shtrohet në referendum.<br />3. Parimet dhe procedurat për zhvillimin e referendumit, si dhe vlefshmëria e tij parashikohen me ligj.<br /><br />U bënë 21 vjet që klasa politike nuk nxjerr ligjin për zbatimin e këtij detyrimi kushtetues për të bërë të pamundur ushtrimin e demokracisë direkte! Por tani nuk ka më tolerim dhe as justifikime!<br />Kjo klasë politike di vetëm të thellojë krizat dhe të mos mbajë përgjegjësi. Ajo nuk e njeh dialogun politik, interesin publik dhe kombëtar. Ndaj tani çdo gjë për t?ia dhënë fjalën sovranit përmes referendumeve. Çfarë e keqe e gjeti Zvicrën nga Referendumet? Le të pushojmë sot e nesër dhe të hënën do ju propozoj ide konkrete për Referendumin!" shkruan Meta.
