#rtvora #oranews<br /><br />23 vite më parë, kur vendosi të lidhte kurorë, Arjana as që mund ta mendonte se po martohej me njeriun që do ia kthente çdo ditë të jetës në makth e frikë.<br /><br />"23 vite të martesës time, ka ditë gëzimesh dhe ditë ferri. Pinte, më rrihte, punonte, lekët i prishte. Më fuste në borxhe edhe në lokale. Më ka rrahur në sy të gocës së madhe dhe ajo është zënë me të atin. Pse e rreh mamin se ajo është e sëmurë".<br /><br />Burri me të cilin u dashurua shumë shpejt krijoi varësi nga alkoli dhe nën efektin e tij nuk kursente dhunën ndaj bashkëshortes, shpesh edhe në prani të fëmijëve.<br /><br />"Ndihem shumë keq, nuk më zë gjumi natën, kam frikë, jam shumë e shkatërruar nga trutë e kokës. Kam nevojë për psikologë patjetër."<br /><br />E gjendur mes dhunës, asaj fizike dhe psikologjike, në jo pak raste 49 vjeçarja nga Tirana ka menduar si shpëtim nga vuajtjet vetëvrasjen.<br /><br />"Nja dy herë po e kam bërë. Por nuk më lë fëmija, të lutem o mami mos me kë do më lësh ti mua, më thotë vajza".<br /><br />Jetën e vështirë nuk mund t`ua rrëfente as familjarëve pasi këta të fundit nuk i kanë ofruar mbështetje madje e inkurajonin të qëndronte me dhunuesin. Iu deshën vite të mbyllte sytë ndaj paragjykimeve dhe frikës për të marrë guximin për të denoncuar bashkëshortin.<br /><br />"Më erdhi atje ku nuk mban më, "dru" çdo natë. U detyrova dhe lajmërova policinë".<br /><br />Gazetarja: Përse keni pritur kaq gjatë për ta denoncuar në polici?<br /><br />"Për hir të fëmijëve dhe është turp në familje".<br /><br />Sot ai ndodhet pas hekurave, por Arjana i ka të pakta shpresat se qelia mund ta ketë ndryshuar e megjithatë për hatër të fëmijëve thotë se do t`i japë një tjetër mundësi.<br /><br />"Nëqoftëse ai kthehet dhe të më kërkojë falje tek burgu dhe tek Gjykata, do të vazhdojmë jetën prapë. Nëqoftëse ai e ka prapë mendjen për atë punë, tek rakia, unë do ndahem prej atij".<br /><br />Historia e Arjanës 49 vjeçare, është historia e mijëra grave shqiptare. Sipas të dhënave të Policisë së Shtetit rezulton se vetëm përgjatë vitit të shkuar janë dhunuar mbi 3 mijë e 700 vajza e gra ndërsa19 prej tyre kanë humbur jetën.<br /><br />Për më shumë lexoni në: https://oranews.tv/article/kam-menduar-vetevrasjen-historia-e-trishte-e-gruas-23-vite-te-dhunuar<br /><br />Follow RTV Ora<br /><br /> Subscribe To "Ora News" on YouTube Channel for NEWS HERE: http://bit.ly/2DDddtL <br /><br />Subscribe To "Ora News" on YouTube Channel for TV Shows HERE http://bit.ly/2sPcqj3 <br /><br />For more content from click HERE www.oranews.tv <br /><br />Like Ora News on Facebook HERE http://bit.ly/2RkUN4s <br /><br />Follow Ora News on Instagram Here http://bit.ly/2HBuiID <br /><br />Follow Ora News on Twitter http://bit.ly/2RhOaQp
