Paketa antikrim e anti-KÇK e Kryeministrit Rama për Lulzim Bashën është një tjetër skemë e kreut të qeverisë për të bllokuar ngritjen e SPAK-ut dhe BKH, që ai vetë thotë se mirëpritet të ndodhë një orë e më parë.<br /><br />Në një bashkëbisedim me gazetarët pasditen e të dielën kreu i PD, mbështet si propozimin për referendum nga Presidenti i Republikës, ashtu dhe tubimet popullore që ka lajmëruar se do të nisi në 8 Dhjetor.<br /><br />Edhe pse thotë se nuk komenton deklaratat e asnjë politikani, aq më shumë lidhur me ndërkombëtarët, Basha po njësoj si Ilir Meta, mendon se shumë prej tyre janë përdorur si alibi nga Edi Rama për aferat e tij me ligjet dhe Kushtetutën.<br /><br />E akuzon Kryeministrin për kapjen e çdo pushteti dhe lidhur me propozimin e tij për të bërë ndryshime kushtetuese dhe ligjore pas përplasjes me kreun e shtetit për Gjykatën Kushtetuese.<br /><br />Basha thotë se propozimet për Reformën Zgjedhore, selia blu do t?i përmbyll brenda Dhjetorit, por mohon se me shumicën të ketë negociata për të arritur një marrëveshje.<br /><br />Ndërsa sipas tij, Edi Rama ka penguar çdo iniciativë ndërkombëtare, kryesisht gjermane, për të patur një tryeze dialogu. Gjithsesi, ai këmbëngul se zgjedhjet e parakohshme janë e vetmja mënyrë për të rimëkëmbur ekonominë shqiptare.<br /><br />Tv Klan
