Bilanci i viktimave të tërmetit të së martës, fatkeqësisht po rritet. Shkon në 27 numri të vdekurve. <br />Bilanci mund të jetë më tragjik pasi në rrënoja dyshohet se janë dhe 20 persona të tjera. Aksionet e kërkim shpëtimit janë përqendruar në Durrës e Thumanë.<br />Në një nga pallatet e shembura në Thumanë është nxjerrë nga rrënojat trupi i pajetë i Hajredin Çupit. <br />Në familjen Çupi me 4 anëtarë, ka shpëtuar vetëm njëri nga djemtë. Një tjetër familje është shuar në Thumanë.<br />Bashkëshortët, Pëllumb dhe Çelike Greku janë nxjerrë të vdekur nga rrënojat. Në orët e para të mëngjesit ndërroi jetë në spitalin e Traumës dhe djali i tyre, Saimir Gregu.<br />Forca e kërkim shpëtimit janë përqendruar dhe te pallati gjashtë katësh në lagjen 18 të Durrësit. Ato kanë lokalizuar një person dhe pritet nxjerrja e tij.<br />Për fat të mirë, nga blloqet e betonit te hotelit Vila Palma në plazhin e Golemit, u bë e mundur nxjerrja e Klajdi Qatos, i cili gëzon shëndet te mire. Për 20 ore ai qëndroi poshtë krevatit. I riu ka falënderuar forcat greke dhe ato shqiptare që i shpëtuan jetën. <br />Operacioni i forcave të emergjencës vijon dhe në zonën e ish kënetës, në vilën katër katëshe ku jeton familja Lala. Mendohet se nën rrënoja janë 6 pjesëtarë të kësaj familje. <br />Gjatë ditës së djeshme u nxorën të pajetë Sadete dhe Ilir Lala.<br />Ministria e Shëndetësi tha se në spitale janë trajtuar 658 të lënduar. Aktualisht po trajtohen 65 pre tyre. 8 persona janë në gjendje të rëndë nën kujdesin e mjekëve.
