#rtvora #oranews<br /><br />Në 107-vjetorin e Pavarësisë, kryetari i PD, Lulzim Basha i është drejtuar bashkëqytetarëve me një videomesazh prekës, për shkak edhe të tërmetit vdekjepururës.<br /><br />"Në Ditën e Pavarësisë, nga zemra e kombit tonë kullon gjak", thotë Lulzim Basha.<br /><br />Megjithë ndasitë tona, tha Basha-në orë nevoje ne jemi një komb i bashkuar.<br /><br />Mesazhi i Lulzim Bashës<br /><br />Të dashur bashkëqytetarët e mi!<br /><br />Mëngjesin e të martës, ndërkohë që shqiptarët përgatiteshin për të përkujtuar 107 vjetorin e Pavarësisë, një tërmet i tmerrshëm goditi vendin tonë.<br /><br />Ende nuk e dimë përmasën e plotë të dëmeve. Ajo që dimë deri tani është se me dhjetëra shqiptarë kanë humbur tragjikisht jetën nën rrënoja, qindra janë lënduar dhe shtëpitë e tyre janë shkatërruar.<br /><br />Mendimet dhe lutjet tona janë me të lënduarit, me ata që vuajnë dhe me familjet që përjetuan dhimbjen më të madhe, atë të humbjes së njerëzve të tyre të shtrenjtë.<br /><br /> Në Ditën e Pavarësisë, nga zemra e kombit tonë kullon gjak.<br /><br />Kjo që përjetuam ditët e fundit është një kujtesë për të gjithë ne, se sa e brishtë është jeta e njeriut. Se sa mirënjohës duhet të jemi për gjithçka që na ka falur Zoti, dhe për t?i përqafuar pak më fort fëmijët dhe të dashurit tanë.<br /><br />Gjatë këtyre tre ditëve, kemi përjetuar disa prej orëve më të vështira të viteve të fundit, por po kështu kemi parë më të mirën e njerëzve tanë.<br /><br />Njerëzit e parë që u sulën mbi rrënoja për të kërkuar të mbijetuarit, pa menduar dy herë për rrezikun që u kanosej; Mjekët dhe infermierët që punojnë pa orar për të mjekuar të lënduarit; Mijëra të tjerë që nuk janë kursyer për të ofruar ndihmë dhe kontribute për vëllezërit dhe motrat tona në nevojë.<br /><br />Megjithë ndasitë tona, në orë nevoje ne jemi një komb i bashkuar, lidhur ngushtë nga të njëjtat vlera dhe nga e njëjta dhembshuri.<br /><br />Kjo është Shqipëria e vërtetë! Shqipëria e njerëzve me zemër të madhe dhe me forcë të pashtershme.<br /><br />Sot, në vend të festës së Pavarësisë, një komb i lënduar është kërrusur nga dhimbja për humbjen e jetëve.<br /><br />Le ta nderojmë kujtimin e atyre që na mori kjo tragjedi duke qëndruar të bashkuar, të fortë dhe me dashuri për njëri-tjetrin.<br /><br />Dhe qoftë kujtimi i tyre uratë për të gjithë ata që i njohën!<br /><br />Zoti ju bekoftë ju dhe familjet tuaja dhe Zoti e bekoftë Shqipërinë!<br /><br />Për më shumë lexoni në: https://oranews.tv/article/mesazhi-i-bashes-qytetareve-ne-diten-e-pavaresise-nga-zemra-e-kombit-tone-kullon-gjak<br /><br />Follow RTV Ora<br /><br /> Subscribe To "Ora News" on YouTube Channel for NEWS HERE: http://bit.ly/2DDddtL <br /><br />Subscribe To "Ora News" on YouTube Channel for TV Shows HERE http://bit.ly/2sPcqj3 <br /><br />For more content from click HERE www.oranews.tv <br /><br />Like Ora News on Facebook HERE http://bit.ly/2RkUN4s <br /><br />Follow Ora News on Instagram Here http://bit.ly/2HBuiID <br /><br />Follow Ora News on Twitter http://bit.ly/2RhOaQp
