Policia e Shtetit njofton se vijojnë operacionet e kërkimit për nxjerrjen e personave të mbetur nën rrënoja. Ekipet e shpëtimit kanë identifikuar trupin e një 54-vjeçari dhe po punohet për nxjerrjen e tij. <br /><br />Njoftimi i plote<br /><br />Kanë vijuar pa ndërprerje operacionet e kërkim-shpëtimit, për nxjerrjen e personave që kanë mbetur nën rrënoja, si pasojë e tërmetit.<br /><br />Në Thumanë dhe Durrës prej orës 22:00 të mbrëmjes së djeshme dhe deri në orën 12.40 janë nxjerrë nga rrënojat 10 shtetas të pajetë. <br /><br />Në lagjen nr 13 në Plazh, tek Mira - Mare, ekipet e shpëtimit, para një ore kanë identifikuar trupin e 54 vjeçarit dhe po punojnë po nxjerrjen e tij nga rrënojat. <br /><br />Forcat Speciale Renea, FNSH-ja e Tiranës, Shkodrës dhe e Fierit, forcat e ushtrisë, zjarrfikëset, emergjencat civile dhe ekipet e shpëtimit të ardhura nga shumë vende të rajonit dhe Evropës, si dhe policia lokale e Durrësit dhe Krujës kanë vijuar operacionet e kërkim-shpëtimit përgjatë gjithë natës në kushte të vështira.<br /><br />Në Thumanë aktualisht janë ndërprerë kërkimet, pasi nga të dhënat që disponohen nuk ka më persona nën rrënoja.<br /><br />Ndërkohë në Durrës vijojnë kërkimet në lagjet Nr. 6, 13 dhe 17, te ish-Këneta, për gjetjen e personave që dyshohet se kanë mbetur poshtë rrënojave.
