Numri i viktimave të tërmetit të së martës u rrit sërish. 42 janë trupat e pajetë të nxjerrë nga rrënojat e ndërtesave të shembura në Durrës e Thumanë, një shifër që e kalon atë të tërmetit të vitit ?79 me 40 viktima, që mbahet mend si më i rëndi. <br />I fundit u gjet në gërmadhat e hotelit Miramare, në zonën e plazhit. <br />Janë 17 viktimat në Durrës, 23 në Thumanë, ku janë ndërprerë kërkimet se nuk ka me persona nën rrënoja, dhe 1 person në Lezhë. <br />Mes tyre janë 4 fëmijë të moshave nga 3 deri në 8 vjeç. <br />Kërkimet vijojnë në Durrës, në zonën e ish ?Kënetës dhe në lagjen numër 6, ku nën rrënoja ka ende persona të tjerë.<br />Por lëkundjet e tokës nuk kanë të sosur dhe situata sa vjen e rëndohet. Tërmeti i fundit ishte ai i orës 11 e 52 minuta... i fortë, me magnitudë 5.1 në shkallën Rihter. <br />Ai i gjeti në punë ekipet franceze të emergjencës, te cilët u detyruan t?i ndërpresin kërkimet në Durrës. <br />Paniku u shtua pas këtyre lëkundjeve. Qytetarët, ata që kanë mbetur akoma në Durrës, morën makinat për t?u larguar. <br />Qyteti i ngjan një zonë të bombarduar, me pallate te dëmtuar rëndë në çdo cep të tij, shumë prej të cilëve janë shpallur si të pabanueshëm. Më e dëmtuar është zona e plazhit. <br />Tërmeti i fundit dëmtoi edhe urgjencën e spitalit të Durrësit, ku po kurohen disa nga 750 te plagosurit, por shërbimi nuk është ndërprerë. Tre prej të plagosurve janë në gjendje të rëndë. <br />Ata pak qytetare që kanë ngelur në çadra, thonë se edhe këtu është e papërballueshme. <br />? Te na çojnë ku të duan...?<br />Emergjencat civile i lëvizën çadrat nga stadiumi, pasi zona konsiderohet e papërshtatshme dhe i kanë strehuar banorët e ndërtesave të dëmtuara nëpër hotele. <br />Thirrjet e autoriteteve janë të vazhdueshme, që asnjë banor të mos hyje në pallatet dhe shtëpitë e dëmtuara.
