Janë orët e fundit. Organizatorë e pjesëmarrës të ?Këngës Magjike? janë në ethet e përgatitjeve për të ndezur skenën e Pallatit të Koncerteve në natën e parë të një festivali që këtë vit ka në fokus të tij ndihmë për të prekurit nga tërmeti i 26 Nëntorit.<br /><br />Magjia e edicionit të shkuar të festivalit të Televizionit Klan e tërhoqi këngëtaren nga Prishtina Jehona Sopin, e shkëputur prej disa vitesh nga muzika, duke bërë që të rikthehet para publikut.<br /><br />Por jo vetëm Jehonën. Organizimi në nivele kaq të larta ngjalli interesin e shumë këngëtarëve të huaj, që janë këtë vit në Këngën Magjike.<br /><br />Fiton ose jo, për Dario Zelën, pjesë e kategorisë së artistëve të rinj, pak rëndësi ka.<br /><br />Nën prezantimin e padiskutueshëm të Ardit Gjebresë, i cili këtë vit ka zgjedhur të ketë në krah të bukurën Adrola Dushi, 47 këngët që shkuan në gjysmëfinale janë ndarë në dy netët magjike, në datat 4 dhe 5.<br /><br />Juria profesioniste e festivalit, e përbërë prej 6 anëtarësh, artistët dhe vetë publiku do të përzgjedhin këngët më të mira për në natën e tretë finale, që do të jetë ditën e shtunë, në 7 Dhjetor.<br /><br />Skena madhështore e realizuar me mjeshtëri nga Gaetano Castelli, do të mbajë muzikën e mirë e performancat mbresëlënëse të ndërthurura me surprizat që çdo vit kanë thyer rekordet e shikueshmërisë në ekranin e Televizionit Kombëtar Klan.<br /><br />I gjithë festivali është ndërtuar mbi moton ?Këndojmë për të ndërtuar?, si një edicion i veçantë për të ndihmuar në fatkeqësinë natyrore që goditi vendin javën e kaluar.<br /><br />Tv Klan
