Arkiva Lajme - Tv Klan 2000<br /><br />33 deputet të opozitës madje edhe nga mazhoranca do të kërkojnë në parlament të shtyhet shqyrtimi i projektligjit për KQZ, në mënyrë që të gjendet konsensusi politik, për ndryshimin e përbërjes së këtij komisioni. <br /><br />Sabri Godo:- ?Unë them se duhet të shqyrtohet në mënyrë konsensuale ligji elektoral dhe KQZ. Në qoftë se këto do të imponohen me mekanizmin e votës dhe do të bëhen të njëanshme atëherë që këtu mund të themi se thyhet procesi zgjedhor. Do të shkojmë në zgjedhje pa patur bindjen qytetare se vota e tij do të respektohet. 33 deputetë, dmth më tepër se 1/5 e parlamentit, gjithë deputetët e opozitës dhe disa deputet të tjerë që janë të kolicionit qeveritar, kanë nënshkruar këtë deklaratë, që kjo çështje ti nënshtrohet një diskutimi dhe të arrihet një konsensus?. <br /><br />Ndërkohë demokrati Xhaferri thekson se opozita do të propozojë një zgjidhje konkrete për KQZ brenda nenit ekzistues kushtetues. <br /><br />Ferdinand Xhaferri:- ?Brenda nenit kushtetues ligji për KQZ duhet të garantojë me konsensus që opozita të hyjë në një proces pa frikën e manipulimeve. Të gjithë ata anëtar të KQZ-së, të cilët janë më motivim politik apo në raporte sasiore, cënojnë legjitimitetin e asaj që duhet të garantoj opozita, për të mos pasur ftikë nga manipulimi, me krompromise politike duhet gjetur një zgjidhje?./tvklan.al <br /><br />Gazetar ? Vladimir Lame
