Aurel Lala dhe Alesio Cakoni, 10 dhe 7 vjeç, fëmijët që ia dolën të shpëtojnë nga tërmeti shkatërrues i 26 nëntorit pasi u hodhën nga dritarja, kanë marrë këtë mbrëmje surprizën e jetës. Dy të mbijetuarit që fluturuan nga dritaret e pallatit të tragjedisë në Thumanë, kanë lënë spitalin dhe janë takuar në Itali me Cristiano Ronaldon, sulmuesin e Juventuesit dhe Gianluigi Buffon, gardiani i portës së Juventusit.<br /><br />Kryeministri Edi Rama i ka marrë djemtë me vete në Itali, ku ka realizuar takimin me futbollistët e tyre të preferuar."Pasi lanë spitalin duhet të rifillojnë rrugën e jetës, që u?a urojmë të gjatë, me shëndet e gëzime", thotë kreu i qeverisë.<br /><br />Yjet e futbollit pyesin nëse janë vëllezër, ndërsa kryeministri u përgjigjet: Jo, jetonin në të njëjtin pallat. Kanë humbur dhe familjarët.<br /><br />"Ishte tërmet i tmerrshëm, patëm 51 të vdekur", vijon më tej Rama.<br /><br />Luan futboll? Pyesin një prej fëmijëve, teksa i emocionuar nga ky takim, ai përgjigjet: Po<br /><br />Edi Rama: Është pak mbipeshë. <br /><br />Cristiano Ronaldo dhe Buffon, u kanë dhuruar djemve bluzat me emrin e tyre në të cilat kanë lënë autograf me emrin e fëmijëve.<br /><br /> Alesio Cakoni 10 vjeç ka humbur babanë dhe motrën.
