Profesoresha Aya Kubota, nga Departamenti i Zhvillimit Urban në Universitetin e Tokyos, në një intervistë për emisionin 'Pa Protokoll' ka thënë se në zonat e prekur nga tërmeti i 26-nëntorit në Shqipëri duhet të skanohen dhe më pas të gjendet një zgjidhe për të ardhmen që tragjedi të tilla të mos përsëriten.<br /><br />Profesoresha japoneze, ndër të tjera thekson se ajo që duhet të themi në këto kushte edhe nga përvoja e japonezve me tërmetin është: Të kujdesemi për të prekurit jo vetëm, menjëherë pas tërmetit por për një periudhë afatgjatë.<br /><br />Kubota më pas ka shtuar se po përpiqet të krijoj një urë bashkëpunimi mes Universiteti të Tokios dhe qeverisë shqiptare.<br /><br />Pyetja 1: Si e shihni situatën dhe si e kanë menaxhuar këtu?<br /><br />Profesoresha Aya Kubota- Mendoj se fatkeqësia që preku Shqipërinë me tërmetin është e ndryshme për zona të ndryshme. Duhet të bëhet një skanim i plotë i zonave të prekura dhe pastaj duhet të gjejmë një lloj zgjidhje për të ardhmen.<br /><br />Pyetja 2: Cila është kjo zgjidhje?<br /><br />Profesoresha Aya Kubota- Nuk mund ta them ende. Ajo që është e rëndësishme është që autoritetet vendore, duhet të kenë një rol kyç në gjetjen e asaj zgjidhje.<br /><br />Pyetja 3: Ekperienca japoneze tregon se edhe pse ne Japoni ka tërmete edhe më të forta por nuk ka viktima, çfarë sugjeroni për Shqipërinë?<br /><br />Profesoresha Aya Kubota- Edhe në Japoni ka shumë fatkeqësi të ngjashme të shoqëruara edhe me viktima. Ajo që duhet të themi në këto kushte edhe nga përvoja jonë është: Të kujdesemi për të prekurit jo vetëm, menjëherë pas tërmetit por për një periudhë afatgjatë.
