Arkiva Lajme - Tv Klan 2000<br /><br />Iranianët kanë nisur të votojnë sot në qetësi dhe me masa të rrepta sigurie për zgjedhjet legjislative ku është në lojë sigurimi i një shumice për presidentin reformator Mohamed Katami. Autoritetet kanë mobilizuar 130 mijë policë për të ruajtur rendin dhe sigurinë në qendrat e votimit. Në votim marrin pjesë rreth 38.7 milion iranianë nga 16 vjeç e sipër. Sipas analistëve pjesmarrja e gjerë në votim do të ishte në favor të reformistëve. Këto janë zgjedhjet e 6-ta legjislative në Iran pas shpalljes së republikës islamike në vitin 1979.<br /><br />Vladimir Putin ka nisur fushatën elektorale për president nga Siberia. Sot ai ka qenë në skajin e harruar rus duke trajtuar temën e tij të preferuar të një shteti të fortë. I etur për të shfaqur anën e tij humane ai bëri homazhe dhe në një memorial për viktimat e aksidentit ajror të vitit 1997 në qytetin e Irkukut. Sot Putin ka premtuar përpara siberianëve krijimin e kompanive të mëdha të afta jo vetëm për të zbuluar burimet minerare të rajonit por edhe për ti përpunuar dhe shitur ato në tregjet ruse dhe në ato botërore. <br /><br />Kristian Demokratët gjermanë kanë gjetur zëvendësuesin e Shojbos. Pas dorëheqjes së kreut të CDU-së personazhi i gjetur për në krye të partisë quhet Fridrik Merc. Ai është zgjedhur për të kryesuar grupin parlamentar të partisë së tij. 44 vjeçar, njohës shumë i mirë i financavë të CDU-së. Por në 20 Mars CDU do të vendos përfundimisht për kreun e partisë pas dorëheqjes së Shojbut nga drejtimi i kësaj partie, pasi përflitet për implikim në fondet e zeza të kristian demokratëve./tvklan.al <br /><br />Gazetare ? Mirela Milori
