Opozita serbe ka akuzuar presidentin Aleksandar Vuçiç dhe vëllain e tij, Andrej, për përfshirje në kultivimin e paligjshëm të marijuanës në një fermë pranë Beogradit.<br /><br />Partitë opozitare po përpiqen prej kohësh të godasin pozitat dominuese të partisë progresiste të Vuçiçit përpara zgjedhjeve të përgjithshme të caktuara të mbahen prillin e vitit 2020. Kundërshtarët e presidentit kanë zhvilluar protesta masive kundër stilit të tij autokratik të qeverisjes që siç thonë ata, i ka zënë frymën medias e promovon marrëveshjet me aleatët biznesmenë.<br /><br />Akuzat e reja pasojnë sekuestrimin e pothuajse 4 tonëve marijuanë të kultivuar në një fermë organike në periferi të kryeqytetit. Policia arrestoi pronarin, i cili kishte kërkuar subvencione shtetërore për rritje kërpi pa veti psikoaktive. Ndonëse nuk ka prova të qarta se ai mori mbështetje financiare, aktivistët akuzuan Vuçiçin dhe vëllain e tij për mbrojtjen e fermerit. Presidenti i Serbisë i hodhi poshtë të tilla pretendime e tha se e mirëpret kallëzimin e bërë ndaj tij pasi më në fund, do të dalë në dritë se kush gënjen.<br /><br />Sondazhet e opinionit tregojnë se Vuçiç, që karrierën politike e nisi në kohën e Sllobodan Milloshevicit, mbetet politikani më popullor në vend. Kundërshtarët megjithatë thonë se kreu i shtetit i ka përdorur pozitat e veta që të shfrytëzonte median shtetërore, duke e detyruar të amplifikojë mesazhet e tij dhe të margjinalizojë rivalët.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#AleksandarVuçiç#Beograd#TopChannel
