DURRËS- Të gjitha pallatet e ndërtuara përpara vitit 1993 do t'i nënshtrohen rikonstruksionit. Ky vendim vjen pas tërmetit të 26 nëntorit, për të shmangur një tjetër tragjedi të ngjashme.<br /><br />Për të vënë në zbatim këtë vendim, në mbledhjen e sotme të Këshillit Bashkiak u vendos krijimi i armatës me 100 punëtor ndërtimi që do të riparojnë pallatet e ndërtuara para këtij viti. Kjo forcë do të jetë në varësi të Drejtorisë së Rrugëve pranë Bashkisë së Durrësit.<br /><br />Gjithashtu, ditën e sotme u miratuan edhe disa ndryshime në bonusin e qirasë që do të përfitojnë familjet e dëmtuara nga tërmeti.<br /><br />Tërmeti i 26 nëntorit nxori më pah që pallatet e ndërtuara në periudhën e komunizmit, një pjesë e tyre me punë vullnetare nga të burgosurit, ishin më të dobëta nga pikëpamja strukturore, sesa ato të ndërtuara në demokraci. Rasti më i fundit ishte ai i pallatit në Thumanë, i cili mori 24 jetë nën rrënoja. Ai ishte ndërtuar me punë vullnetare para viteve 1990.
