Kostumografia e Lezhës është prezantuar në një ekspozitë fotografike, duke sjellë etnografinë e zonave të ndryshme të këtij rajoni. Një event i tillë vjen për herë të parë në këto përmasa.<br /><br />Këto veshje janë pjesë e aktiviteteve të ndryshme kulturore, por ato nuk janë të plota pasi zona e Lezhës ka ende larmi në këtë fushë. Interesimi për të parë kostumet e shumta të Lezhës ishte maksimal.<br /><br />Si pjesë e organizimit të kësaj ekspozite, kryetari i bashkisë Pjerin Ndreu tha se duhet punuar më shumë për të identifikuar dhe promovuar vlerat kulturore të kësaj zone.<br /><br />?Kemi një kolor kombinimesh, veshjesh,gatime e tradita që arrijnë të zbulojnë një pasuri të pafundme kulturore në Lezhë? tha Pjerin Ndreu, Kryetari i bashkisë Lezhë<br /><br />Pavarësisht koloritit të sjellë, organizatorët e kësaj ekspozite janë të bindur se ka ende shumë punë për t'u bërë dhe më shumë kostume për t'u prezantuar kjo gjë u vu re ndërsa hulumtohej zonë pas zone.<br /><br />?Menduam të kishim disa foto profesionale të cilat të ngelen edhe më vonë, deri diku kemi arritur të prezantojmë kulturën në Lezhë?, tha fotografi Olsi Tetaj
