Dave Pali është një grua e moshuar, banore në Hamallas. Jeta për të ka qenë plot me sfida, duke filluar nga vajza Alma e deri tek shëndeti i saj, që mbart sëmundje si diabet, gurë në tëmth, gurë në veshka dhe infeksion në kockë.<br /><br />Data 26 Nëntor do të ishte nata e parë në shtëpi për të pasi kishte kaluar 20 ditë në spital për shkak të gjendjes shëndetësore që vjen e rëndohet. <br /><br />"Mu mbyll dera mezi kemi dalë. U rrëzova, duke u ngrit u rrëzova dhe thashë tani më ra shtëpia në shpinë". "Vajza nuk dëgjon dhe nuk flet, ka kaluar temperaturë të lartë ", tregon zonja Pali.<br /><br />Në pamundësi për të shkuar diku tjetër, ajo së bashku me bashkëshortin dhe vajzën 39-vjeçe i kanë kaluar ditët e para pas tërmetit në këtë çadër.<br /><br />Netët e ftohta ishin të pa përballueshme për familjen e saj duke u detyruar të flenë në shtëpinë që nuk mund të përballojë edhe një tërmet tjetër.
