TIRANË - Humbja e fëmijës është makthi për çdo prind! Një nga detyrat e efektivëve të Policisë së Shtetit është dhe gjetja e fëmijëve të humbur ndërsa një denoncim i vë ata në lëvizje për një fëmijë 7-vjeçar që është larguar nga shkolla. Nëpërmjet pamjeve reale nga kamerat e trupit dhe intervistave me efektivët e përfshirë ju paraqesim në emisionin "112", të realizuar nga gazetari Antonio Çakshiri, rrjedhën e kësaj historie. <br />Në momentet e para teksa në sallën operative vjen thirrja nga babai, normaliteti ndryshon, vëmendja e efektivëve kalon në gjetjen e këtij fëmije ndërsa një patrullë niset drejt shkollës në zonën e Kombinatit, aty ky prindërit e vogëlushit presin në ankth. Pasi efektivët mbërrijnë marrin të dhënat për fëmijën ndërsa ato shpërndahen përmes radios të gjitha shërbimeve të policisë ndërsa disa patrulla bëjnë kontrolle në zonë. <br />Teksa minutat kalojnë dhe nuk ka asnjë shenjë të 7-vjeçarit tensioni tek prindërit rritet, por edhe tek vetë efektivët e policisë, të përfshirë në patrullimet për të gjetur djalin e vogël. <br /><br /><br />Në segmentin e dytë të emisionit "112" për këtë javë do të trajtojmë një ngjarje që do të kujtohet gjatë! Tërmeti. <br /><br />Më konkretisht tërmeti i 21 shtatorit 2019. Ishte lëkundja e parë sizmike më e fortë që kryeqyteti ka përjetuar pas shumë vitesh ndërsa kamerat kanë filmuar momentet e kësaj goditje në orën 16:04 dhe reagimet e efektivëve të Policisë së Shtetit pas një ngjarje të përmasave të tilla. Emisioni i kësaj jave sjell përjetimet e punonjësve të policisë dhe pamjet reale të momenteve dramatike që ata kanë hasur teksa kryenin detyrën. <br /><br /> <br /><br />Fati deshi që një ngjarje e tillë të përsëritej më 26 nëntor 2019, më e fortë dhe në orët e natës. Ndërsa 50 persona humbën jetën në Thumanë e Durrës nga kjo goditje fatkeqe që shembi banesa e pallate, në Tiranë pati një viktimë, një vajzë të re. <br /><br />Për herë të parë në emisionin "112" në Report TV, transmetohen edhe pamjet nga kamerat e kryeqytetit se si u përjetuan ato sekonda tronditëse në rrugët e Tiranës, teksa ora shënonte 03:54 e mëngjesit. <br /><br /><br />Gazetar: Antonio Çakshiri
