Ish-Kryeministri Sali Berisha i ka cilësuar një pjesë të viktimave të tërmetit tragjik të 26 Nëntorit vrasje shtetërore. Duke folur nga Akademia Politike e Forumit Rinor të Partisë Demokratike, Berisha u shpreh me tone mjaft të ashpra ndaj Kryeministrit Rama duke ftuar qytetarët të ngrihen kundër qeverisë.<br /><br />Kryeministrin e akuzoi se ka braktisur qytetarët. Akuzat në adresë të Kryeministrit se ka braktisur qytetarët e dëmtuar nga tërmeti i vijoi edhe kreu i opozitës Lulzim Basha.<br /><br />Kreu i demokratëve iu rikthyer edhe një herë kushteve të Bundestagut gjerman dhe reformës zgjedhore, duke e vënë theksin tek ndëshkueshmëria e politikanëve të lidhur me krimin. Sipas Bashës 9 vjet pas liberalizimit të vizave Shqipëria ka bërë shumë hapa pas duke cënuar rëndë demokracinë dhe lirinë e fjalës.<br /><br />Tv Klan
