Teksa paketa e mazhorancës për anti-shpifjen do të kalojë nesër për votim në Kuvend, përfaqësuesi i OSBE ? së për lirinë e medias, Harlem Desir, thotë se drafti ka pësuar ndryshime sipas standardeve ndërkombtare. Ai shprehet se OSBE ka punuar me qeverinë dhe Kryeministrin Rama deri në momentin e fundit për përmirësimin e draftit.<br /><br />?Shumë përmirësime në versionin e fundit të botuar sot në krahasim me projektligjet e mëparshme: detyrimet e regjistrimit janë eliminuar; masa mbrojtëse të përgjithshme lidhur me standardet ndërkombëtare të prezantuara (neni 4); janë futur kufij të rreptë për marrjen e përmbajtjes?.<br /><br />Zoti Desir shprehet se puna do të vazhdojë për të ulur nivelin e gjobave se dhe OSBE do të monitorojë nga afër zbatimin e ligjit, në mënyrë që ai të mos cënojë lirinë e shprehjes. <br /><br />?Rregullimi i së drejtës së përgjigjes është përshtatur me nevojat e botimeve elektronike dhe është kufizuar për të shmangur keqpërdorimet (neni 53/1); atributet e reja të AKEP-t janë eleminuar. Zyra ime do të monitorojë nga afër zbatimin e ligjit, i cili në asnjë mënyrë nuk duhet të pengojë lirinë e shprehjes dhe lirinë e mediave. AMA duhet të zbatojë ligjin në mënyrë vërtet të pavarur?.<br /><br />Edhe Kryeministri Rama garantoi përmes një postimi në rrjetet sociale se ligji ishte konsultuar me OSBE. <br /><br />?Keqardhje për ata që lirinë e shprehjes e përdorin për t?u ankuar për mungesën e lirisë; për ata që nxjerrin deklarata pa lidhje fare me ligjin e ri; për ata që çirren për diktat imagjinar mbi mediat dhe për të gjithë bashkë që as nuk e kanë lexuar tekstin. Projekti do të hyjë nesër për miratim në seancë pas një pune të përbashkët thuajse 1-vjeçare me OSBE e i dakordësuar 100% me ekspertët e zyrës së Vjenës?.<br /><br />Paradite, një zëdhënës i Komisionit Europian i tha Zërit të Amerikës se dhe varianti i fundit i paketës nuk merr parasysh një sërë rekomandimesh që janë bërë nga faktorë të ndryshëm ndërkombëtarë. Ndërsa, komisionerja për të drejtat e njeriut, Dunja Mijatoviç, i bëri thirrje Parlamentit të rishikojë draftet.<br /><br />Mesazhin e komisioneres Mijatoviç e ripostoi në rrjetet sociale kreu i shtetit, Ilir Meta, duke shtuar se ?Shqipëria nuk ka nevojë për rekorde të tjera negative ndërkombëtare?.<br /><br />Drafti është kundërshtuar dhe nga Partia Demokratike, e cila theksoi se do ta shfuqizojë atë sapo të vijë në pushtet. <br /><br />Ndërsa paraditen e së mërkurës, opozita dhe shoqatat e mediave kanë paralajmëruar protestë para Parlamentit.
