Arben Kraja, i moshës 55-vjeç, lindur në Shkodër dhe banues në Tiranë është kryeprokurori i SPAK, që do të hetojë korrupsionin në nivele të larta dhe krimin e organizuar.<br /><br /><br />Pak minuta pasi u votua në KLP , pas garës me Altin Dumanin dhe Edvin Kondilin, kryeprokurori i SPAK paralajmëroi abuzuesit e ligjit.<br /><br />Anila Hoxha: Ju thatë në KLP se do jeni i egër, kush duhet të ketë frikë?<br /><br />Arben Kraja: Ata që shkelin ligjin.<br /><br />I njohur si prokurori që hetoi për korrupsion ish-gjyqtaren e lartë Majlinda Andrea, apo si prokurori i dosjes Durrës-Kukës, me të dyshuar të atëhershëm, Lulzim Bashën, Arben Kraja në platformën e tij para KLP garantoi se SPAK nuk do të favorizojë miqtë apo të lajë detyrimet ndaj të tjerëve. Tashmë kryeprokurori i SPAK garanton edhe qytetarët.<br /><br />Me rivalet e tij, Dumani e Kondili, Kraja do punojnë tashmë në SPAK, për të cilin pritshmëritë janë të larta.<br /><br />Kraja e ka nisur karrierën si hetues në vitin 1987, më tej vazhdoi si jurist pranë policisë financiare, gjatë vitit 2001-2002 drejtor i njësisë antikorrupsion pranë këshillit të ministrave, për tu kthyer më pas edhe si prokuror, duke përfaqësuar çështje të juridiksionit fillestar në Gjykatën e Lartë, mes tyre edhe ato për shpifje kundër disa deputetëve. Por sfidat e Krajës dhe shtatë të tjerëve lidhen me premtimin që ata dhanë për luftën ndaj korrupsionit.<br /><br />Pas kësaj deklarate, Arben Kraja iku në këmbë, ashtu siç ka vepruar gjithë këto vite, teksa shërbente si prokuror pranë Prokurorisë së Përgjithshme. Nga nesër rutina e tij ndryshon duke nisur nga mbrojtja!<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#SPAK#TopChannel
