Edhe Samiti i Tiranës nuk ia doli që t?i bëjë bashkë 6 vendet e Ballkanit Perëndimor. Kosova dhe Bosnje Hercegovina nuk iu përgjigjën ftesës së bërë nga kryeministri Rama. Argumentet refuzues nuk ishin të njëjtët për të dy shtetet.<br /><br />Presidenti Thaçi tha se ishte Serbia dhe qëndrimi i saj në raport me luftën dhe shtetin e Kosovës. Por për kryeministrin Rama këto çështje nuk mund të jenë arsye thelbësore për t?iu bashkuar kësaj iniciative rajonale që më së shumti dëmton vetë Kosovën që nuk u bë pjesë e saj.<br /><br />Presidenti Vuçiç thotë se nisma është vetëm në favor të qytetarëve dhe rreshtoi disa nga projektet konkrete të dakordësuara.<br /><br />Presidenti i Malit të Zi që iu bashkua mëngjesin e kësaj të shtune 3 liderëve të Shqipërisë, atij të Serbisë dhe Maqedonisë së Veriut përjashton çdo mundësi që ky format të shihet nga BE si një union ballkanik. Prania e drejtores për zgjerimin e Ballkanit Perëndimor në KE, por dhe përfaqësuesve të DASH-it dhe BERZH-it, Bankës Botërore dhe Bankës Europiane për Investimet për të 4 liderët veçse konfirmon mbështetjen e këtyre institucioneve për bashkëpunimin rajonal në Ballkan.<br /><br />Përpara takimit, 4 liderët vizituan zonën e Durrësit, e prekur më rëndë nga tërmeti i 26 Nëntorit. Përveç solidaritetit, Presidenti serb lajmëroi se të hënën qeveria serbe do të marre vendim për të mbështetur financiarisht qeverinë shqiptare për ndërtimin e 100 banesave.<br /><br />Tv Klan
