श्री हनुमान चालीसा I Hanuman Chalisa I Arun Prajapati I Kirtan Yug<br /><br />Singer - Arun Prajapati <br />Lyrics - Traditional<br />Music - Tarun Arun Bros<br />Video - Pramod Sharma<br />Presented By - KIRTAN YUG<br /><br />© Copyright: Kirtan Yug<br />Label:- Kirtan Yug <br /><br />#HanumanChalisa<br />#ArunPrajapati<br /><br />FOR LATEST UPDATES :<br />-------------------------------------------------------------<br />❤ Subscribe us for more Live Bhajans - <br />YouTube:<br />https://www.youtube.com/channel/UCLn5drEliTmJduNK5Jm1z2Q?view_as=subscriber<br />........................................................................................................................<br /><br />श्रीगुरु चरन सरोज रज निजमनु मुकुरु सुधारि I<br />बरनउँ रघुबर बिमल जसु जो दायकु फल चारि II<br />बुद्धिहीन तनु जानिके सुमिरौं पवन-कुमार I<br />बल बुधि बिद्या देहु मोहिं हरहु कलेस बिकार II<br /><br />जय हनुमान ज्ञान गुन सागर I जय कपीस तिहुँ लोक उजागर II<br />राम दूत अतुलित बल धामा I अंजनि-पुत्र पवनसुत नामा II<br /><br />महाबीर बिक्रम बजरंगी I कुमति निवार सुमति के संगी II<br />कंचन बरन बिराज सुबेसा I कानन कुण्डल कुँचित केसा II<br /><br />हाथ बज्र औ ध्वजा बिराजे I काँधे मूँज जनेउ साजे II<br />संकर सुवन केसरी नंदन I तेज प्रताप महा जग बंदन II<br /><br />बिद्यावान गुनी अति चातुर I राम काज करिबे को आतुर II<br />प्रभु चरित्र सुनिबे को रसिया I राम लखन सीता मन बसिया II<br /><br />सूक्ष्म रूप धरि सियहिं दिखावा I बिकट रूप धरि लंक जरावा II<br />भीम रूप धरि असुर सँहारे I रामचन्द्र के काज सँवारे II<br /><br />लाय सजीवन लखन जियाये I श्री रघुबीर हरषि उर लाये II<br />रघुपति कीन्ही बहुत बड़ाई I तुम मम प्रिय भरतहि सम भाई II<br /><br />सहस बदन तुम्हरो जस गावैं I अस कहि श्रीपति कण्ठ लगावैं II<br />सनकादिक ब्रह्मादि मुनीसा I नारद सारद सहित अहीसा II<br /><br />जम कुबेर दिगपाल जहाँ ते I कबि कोबिद कहि सके कहाँ ते II<br />तुम उपकार सुग्रीवहिं कीन्हा I राम मिलाय राज पद दीन्हा II<br /><br />तुम्हरो मंत्र बिभीषन माना I लंकेश्वर भए सब जग जाना II<br />जुग सहस्र जोजन पर भानु I लील्यो ताहि मधुर फल जानू II<br /><br />प्रभु मुद्रिका मेलि मुख माहीं I जलधि लाँघि गये अचरज नाहीं II<br />दुर्गम काज जगत के जेते I सुगम अनुग्रह तुम्हरे तेते II<br /><br />राम दुआरे तुम रखवारे I होत न आज्ञा बिनु पैसारे II<br />सब सुख लहै तुम्हारी सरना I तुम रच्छक काहू को डर ना II<br /><br />आपन तेज सम्हारो आपै I तीनों लोक हाँक तें काँपै II<br />भूत पिसाच निकट नहिं आवै I महाबीर जब नाम सुनावै II<br /><br />नासै रोग हरे सब पीरा I जपत निरन्तर हनुमत बीरा II<br />संकट तें हनुमान छुड़ावै I मन क्रम बचन ध्यान जो लावै II<br /><br />सब पर राम तपस्वी राजा I तिन के काज सकल तुम साजा II<br />और मनोरथ जो कोई लावै I सोई अमित जीवन फल पावै II<br /><br />चारों जुग परताप तुम्हारा I है परसिद्ध जगत उजियारा II<br />साधु सन्त के तुम रखवारे I असुर निकन्दन राम दुलारे II<br /><br />अष्टसिद्धि नौ निधि के दाता I अस बर दीन जानकी माता II<br />राम रसायन तुम्हरे पासा I सदा रहो रघुपति के दासा II<br /><br />तुह्मरे भजन राम को पावै I जनम जनम के दुख बिसरावै II<br />अन्त काल रघुबर पुर जाई I जहाँ जन्म हरिभक्त कहाई II<br /><br />और देवता चित्त न धरई I हनुमत सेइ सर्ब सुख करई II<br />संकट कटै मिटै सब पीरा Iजो सुमिरै हनुमत बलबीरा II<br /><br />जय जय जय हनुमान गोसाईं I कृपा करहु गुरुदेव की नाईं II<br />जो सत बार पाठ कर कोई I छूटहि बंदि महा सुख होई II<br /><br />जो यह पढ़ै हनुमान चालीसा I होय सिद्धि साखी गौरीसा II<br />तुलसीदास सदा हरि चेरा I कीजै नाथ हृदय महँ डेरा II<br /><br />पवनतनय संकट हरन, मंगल मूरति रूप I<br />राम लखन सीता सहित, हृदय बसहु सुर भूप II
