Lazanjë me thjerrëza në pjatë<br /><br />Përbërësit:<br /><br />350 gr thjerrëza<br /><br />50 gr pançetë<br /><br />1 qepë e vogël<br /><br />2 karrota të vogla<br /><br />1 degë selino<br /><br />1 thelpi hudhër<br /><br />Kripë dhe piper i zi<br /><br />Sherebelë, rozmarinë<br /><br />1 lugë gjelle uthull<br /><br />250 gr petë lazanje<br /><br />50 gr parmixhan i grirë<br /><br />2 lugë gjelle vaj ulliri<br /><br />Përgatitja:<br /><br />Shpëlajmë mirë thjerrëzat dhe i vendosim për të zierë në temperaturë mesatare për 20 minuta. Më pas i kullojmë dhe i lëmë mënjëanë. Ndërkohë në një tigan me 2 lugë gjelle vaj skuqim pançetën, shtojmë 1 qepë të vogël në kubikë, i kaurdisim së bashku me karrotën të prerë në kubikë shumë të vegjël me selinonë dhe hudhrën, të cilat po ashtu i kemi prerë shumë imët.<br /><br />Rregullojmë shijen me kripë dhe piper të zi, rozmarinë, sherebelë dhe një lugë gjelle uthull. Shtojmë thjerrëzat dhe i përziejmë për 3 minuta. Valojmë petët e lazanjës dhe montojmë lazanjën direkt në pjatë.<br /><br />Spërkatim pjatën me pak parmixhan të grirë hollë, shtojmë një petë lazanje pak të rrudhur. Mbi të mbushjen me thjerrëza, përsëri petë të rrudhosur e mbi të mbushjen me thjerrëza. Kështu veprojmë derisa bëjmë 4-5 shtresa. Në fund nuk e mbyllim me pëtë, por me thjerrëza dhe e spërkatim me djathë parmixhan dhe e shërbejmë.
