Besimtarët e krishterë në mbarë vendin kremtuan lindjen e Krishtit.<br />Festa e katolikëve nisi me meshën e mbajtur në kishën e Shën Palit mesnatën e së hënës ku qindra besimtarë u lutën për paqe, mbarësi e dashuri.<br /><br />Arqipeshkvi Imzot Xhorxh Frendo e vendosi theksin në fjalën e tij te solidariteti që treguan shqiptarët për të prekurit pas tërmetit të 26 Nëntorit. Ai bëri edhe një apel për të mos përfituar nga tragjedia duke u shprehur se po bëjnë një mëkat të madh.<br /><br />I pranishëm ishte edhe Presidenti i Republikës Ilir Meta.<br /><br />Ndërsa besimtarët ortodoksë u mblodhën mëngjesin e 25 Dhjetorit në Katedralen ?Ngjallja e Krishtit? në meshën që drejtohej nga Kryepeshkopi Anastas Janullatos.<br /><br />Edhe në rrethe besimtaret u janë drejtuar kishave për të ndjekur meshën në ditën e lindjes së Krishtit.<br /><br />Besimtarët kanë uruar njëri-tjetrin për një vit me më shumë shëndet, fat, paqe e harmoni.<br /><br />Një meshë e veçantë u është kushtuar viktimave që humbën jetën në tërmetin e 26 Nëntorit.<br /><br />Tv Klan
