40 vite më parë, në dhjetor 1979, raketa e parë Ariane, u nis nga Guajana duke shënuar hyrjen e Evropës në garën ndërkombëtare për hapësirën.<br /><br /><br />Tani, 40 vite më pas, programi evropian hapësinor ka kryer 250 lancime dhe ka hedhur rreth 400 satelitë në orbitë. Satelitët luajnë një rol akoma më të rëndësishëm në ditët e sotme. Ata përdoren për të komunikuar, parë televizion, për të lokalizuar përmes GPS, ndërkohë që janë të domosdoshëm edhe në fushën e sigurisë, mbrojtjes apo vëzhgimeve shkencore dhe analizës së planetit.<br /><br />Ariane është përballur me konkurrencë të fortë nga lojtarë të tjerë prej vitesh përfshirë këtu edhe kompanitë private Space X apo Blue Origin. Por një sfidë tjetër për Ariane, por edhe në përgjithësi për programin evropian hapësinor, është dominimi financiar i NASA-s, agjencisë amerikane hapësinore.<br /><br />Me Kinën që punon në anën tjetër, Evropa po planifikon të shpenzojë 16 miliardë euro për të forcuar lidershipin e saj në hapsirë. Objektivi i Ariane, është të bëhet konkurruese përmes uljes së kostove të prodhimit dhe zhvillimit të funksionaliteteve të reja, si për shembull një motor i ri i aftë të performojë misione më komplekse. Tani të gjithë sytë janë drejtuar nga Ariane 6, misioni i parë i të cilës është planifikuar për mesin e 2020.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#Ariane5#NASA#TopChannel
