Spaghetti me qofte në furrë<br /><br />Përbërësit:<br /><br />400 gr makarona (spaghetti)<br /><br />500 gr mish i grirë<br /><br />1 lugë kafe piper I kuq<br /><br />1 lugë kafe nenexhik<br /><br />1 thelpi hudhër<br /><br />1 lugë gjelle mustardë<br /><br />4-5 lugë gjelle bukë e thekur e grirë<br /><br />2 vezë<br /><br />Kripë dhe piper i zi<br /><br />Salca lidhëse<br /><br />3 kokrra vezë<br /><br />100 gr parmixhan i grirë<br /><br />300 gr salcë domate<br /><br />250 gr mozzarella<br /><br /> <br /><br />Përgatitja:<br /><br />Ziejmë makaronat në ujë të bollshëm me kripë, 3-4 minuta më pak se koha e shkruar në etiketë. Ndërkohë që makaronat zijnë në një tas vendosim mishin e grirë dhe shtojmë piperin e kuq, nenxhikun, 1 thelpi hudhër të grirë hollë, mustardë, 4-5 lugë gjelle bukë të thekur të grirë hollë, 2 vezë (të plota), kripë dhe piper i zi. Punojmë brumin mirë dhe më pas formojmë qofte sa një arrë të madhe.<br /><br />Vendosim në tigan 2 lugë gjelle vaj Olim dhe I skuqim qoftet lehtë nga të gjitha anët.<br /><br />Kullojmë makaronat. Në një tas rrahim 3 kokrra vezë, shtojmë te vezët parmixhanin të grirë hollë, i përziejmë së bashku dhe shtojmë këtë salcë te makaronat e ngrohta. I përziejmë mirë. Lyejmë një tavë keku unazë me pak gjalp dhe e spërkasim me pak bukë të thekur të grirë. Nivelojmë në tavë ½ e makaronave dhe mbi to vendosim qoftet e skuqura pak.<br /><br />Mbulojmë qoftet me salcë domate dhe mbi salcë spërkasim dhe shtojmë si shtesë mozzarella. Mbulojmë një shtresë të fundit me pjeën tjetër të makaronave dhe vendosim tepsinë në furrën e parangrohur në temperaturë 180 gradë Celsius, për 15-20 minuta.
