Festivali më i bujshëm i këngës shqipe, ai i vitit 1972 do të rikthehet për publikun përmes valëve të Radio Televizionit Publik shqiptar dhe ?ReportTV? në datat 1, 2 dhe 3 janar të vitit 2020. Ato momente që u dukën se liria ngriti krye, por që u pasuan nga vuajtjet e dënimet e Plenumit të Katërt kësaj here kujtohen nga vet protagonistët, si Justina Aliaj, Agim Krajka, Sadik Bejko në një djep solid të memories, siç është Bunk?art 1 për të shoqëruar publikun edhe në shtëpitë e tyre.<br /><br />Rolin e prezantuesit e rimerr Bujar Kapxhiu, ndërsa në vend të artistes Edi Luarasi është këngëtarja Marsela Çibukaj.Elementet bashkëkohorë dhe ritmi që para gjysëm shekulli sfiduan shërbëtorët e oborrit të regjimit komunist, vijnë kësaj here nën zërin e artistëve që guxuan, edhe pse pasojat ishin të rënda deri në internime, burgje edhe mungesë lirie. <br /><br />Ndërsa, për tri net këngëtarët Eranda Libohova, Altin Goci, të rinjtë Olta Boka, Bledi Polena e Tiri Gjoci, Vitmar Basha sjellin përmes ekranit 20 Këngë të Festivalit 11, mes tyre edhe ?Natën vonë? dhe ?Udhët janë të bukura?.<br /><br />Nuk do të mungojnë as të ftuarit specialë në këto tri mbremje në datë 1, 2 dhe 3 janar ora 20.30, si Irma Libohova, Alban Skenderaj edhe Olen Çezari.
