Për herë të tretë radhazi presidenti i Kosovës Hashim Thaçi ka ftuar në takim kreun e Lëvizjes Vetëvendosje Albin Kurti për t?u konsultuar rreth mandatarit për qeverinë e re.<br /><br />Ftesa Kurtit i është dërguar për datë 31 Dhjetor në orën 10:00. Në letrën e tij presidenti Thaçi shkruan se e mirëkupton Kurtin për pamundësinë e pjesëmarrjes në dy takimet e së premtes, por e fton për nesër më 31 Dhjetor sërish me qëllim të funksionalizimit sa më të shpejtë të institucioneve të Kosovës. <br /><br />Derisa kreu i LVV-së një ditë më parë ka thënë se Thaçi mund të caktojë datën e seancës konstituive, por jo atë për votimin e qeverisë. Ai ka konfirmuar do të vazhdojnë negociatat me Lidhjen Demokrate të Kosovës pas festës së Vitit të Ri.<br /><br />Në LDK thonë se deri më tani nuk kanë pranuar asnjë ofertë konkrete nga Lëvizja Vetëvendosje, por se bisedimet e mëparshme kanë rënë në ujë. Përfaqësues të Lidhjes Demokratike të Kosovës kanë zhvilluar një takim me ambasadorin e Shteteve të Bashkuara të Amerikës në Kosovë, Philip Kosnett.<br /><br />Pos kreut të LDK-së në takim ishin edhe nënkryetarët, Agim Veliu, Vjosa Osmani dhe Abdullah Hoti derisa kanë diskutuar rreth mundësisë së arritjes së një marrëveshjeje me LVV-në për të bashkëqeverisur vendin.<br /><br />Përndryshe vazhdimisht Kosnett dhe ambasadorët e tjerë të vendeve të ndryshme të akredituar në Kosovë, por kërkojnë formimin sa më të shpejtë të qeverisë së Kosovës.<br /><br />Tv Klan
