Kryebashkiaku i Lushnjës dhe sekretarja e tij Erisa Qalliu pas shpërthimit me lëndë plasëse në zyrë janë nisur drejt Tiranës.<br /><br /><br />Ata janë nisur drejt kryeqytetit për mjekim të specializuar megjithëse mjekët theksojnë se janë jashtë rrezikut për jetën.<br /><br />Dyshohet se ka qenë ish shoferi i kryetarit të bashkisë, Gëzim Saraçi ai që pas një konflikti verbal me këtë të fundit ka hedhur një granatë në zyrë.<br /><br />Saraçi ka qenë shofer i tij deri në gjysmën e mandatit të dytë.<br /><br />Njoftimi i policisë për ngjarjen<br /><br />Sot, rreth orës 09:00, në zyrën e Kryetarit të Bashkisë Lushnjë, dyshohet se është hedhur një granatë dore dhe për pasojë është dëmtuar Kryetari i Bashkisë shtetasi F. T. dhe sekretarja e Bashkisë, shtetasja E. Q., të cilët ndodhen në spitalin e Lushnjës, nën kujdesin e mjekëve<br /><br />Nga veprimet e para hetimore dyshohet se autor i kësaj ngjarjeje është ish-shoferi i Kryetarit të Bashkisë, shtetasi G. S., i cili pasi ka hedhur granatën është larguar menjëherë nga ambientet e Bashkisë Lushnjë.<br /><br />Forca të shumta policie të Komisariatit të Policisë Lushnjë, të DVP Fier, Renea e FNSH e Fierit po krehin zonën, me qëllim kapjen dhe arrestimin e autorit.<br /><br />Grupi i posaçëm hetimor, me Specialistë nga Departamenti i Policise Kriminale ne Policine e Shtetit dhe DVP Fier, nën drejtimin e Prokurorisë po punon për zbardhjen e plotë të ngjarjes.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br /><br />Shows HERE: http://bit.ly/2Y15KwK<br />For more content from click HERE: www.top-channel.tv<br />Like Top Channel on Facebook HERE: http://bit.ly/2FglWTs<br />Follow Top Channel on Instagram HERE: http://bit.ly/2uaYG2U<br />Follow Top Channel on Twitter HERE: http://bit.ly/2TJndeH<br />#FatosTushe#Lushnje#TopChannel
