Ditën e fundit të vitit 2019 emisioni ?Historia Ime? në Tv Klan u zhvendos në shtëpinë e të moshuarve në Tiranë. Janë 47 persona të moshës së tretë që po kalojnë ditët në atë shtëpi. Sëbashku me personelin dhe të moshuarit, ?Historia Ime? ndau disa momente të bukura.<br /><br />Gazetarja Mirela Milori solli historitë e tyre në këto atmosferë festash. Ndër to edhe ajo e Riza Shashos, i cili ka 20 vjet që jeton në azil. Shasho tregoi që ndihet i kënaqur që jeton në shtëpinë e të moshuarve për shkak të punës së personelit. Ai deklaroi se i ka bërë fshehurazi dokumentet për të shkuar në azil, për të mos i rënë askujt në qafë.<br /><br />Ai theksoi se ishte i detyruar të shkonte, për shkak se nëna e tij nuk mund të kujdesej më për atë, duke qenë se ai kishte nevojë pasi ishte i plagosur në ushtri.<br /><br />Mirela Milori: Sa kohë ke këtu Riza?<br /><br />Riza Shasho: 20 vjet.<br /><br />Mirela Milori: Si është të jetosh kaq gjatë në një shtëpi të moshuarish?<br /><br />Riza Shasho: Unë për veten time kam ndjerë kënaqësinë që po jetoj vetëm në saj të personelit. Personeli është i përsosur. Vetë i bie dhe firzamonikës.<br /><br />Mirela Milori: 20 vjet, krijohen miqësi këtu brenda? Krijohet dot ajo atmosfera e familjes?<br /><br />Riza Shasho: Po. Unë më tepër më merr malli kur largohem për personelin se sa për motrat dhe vëllezërit.<br /><br />Mirela Milori: Kë ke të veçantë nga personeli?<br /><br />Riza Shasho: Të gjitha.<br /><br />Mirela Milori: Të gjithë po shkojmë drejt moshës suaj dhe e dimë që nuk është e lehtë që të kuptohesh se është një brez i ri? E ke hasur këto 20 vjet se ndoshta nuk të kanë kuptuar mirë, është një brez tjetër.<br /><br />Riza Shasho: Unë nuk kam patur ndonjë vështirësi, kam kaluar shumë mirë dhe po kaloj shumë mirë.<br /><br />Mirela Milori: Çfarë profesioni ke pasur.<br /><br />Riza Shasho: Para se të ikja ushtar, se jam plagosur në ushtri, kam punuar në SMT.<br /><br />Mirela Milori: Nga cili qytet?<br /><br />Riza Shasho: Erseka. Pastaj shkova ushtar, u plagosa. Ndodhem në KEMP. Jetova gjithë ato vite në fshat në familje, pastaj i detyruar për këtu, për arsye se mamaja nuk më shërbente dot më. Unë plak, unë doja shërbim. Për të mos i rënë në qafë askujt, se kam dy vëllezër dhe 5 motra, i kam bërë dokumentet pa e marrë vesh njeri dhe erdha këtu në shtëpinë e të moshuarve.<br /><br />Mirela Milori: Të është bërë si shtëpi?<br /><br />Riza Shasho: Po.<br /><br />Mirela Milori: Bëhet dot azili si shtëpi?<br /><br />Riza Shasho: Bëhet dhe fundja unë e kam thënë këtë edhe me kohë që unë u plagosa në shtet dhe në duart e shtetit dua të jem derisa të vdes. /tvklan.al
