Nju Jorku lëshoi topin e tij të kristaltë, për të hyrë në 2020 në Times Square-in e mbushur plot pasi festimet e shënjuara edhe nga krizat, në vende të tjera, i dhanë fund një viti trazirash në të gjithë botën, me Parisin e gjunjëzuar nga grevat që sidoqoftë festoi me fishekzjarre dhe me Big Benin në Londër që kumboi sërish pas punimeve të gjata të restaurimit.<br /><br /><br />Miliarda njerëz në të gjithë botën iu gëzuan ardhjes së 2020 pas një viti të trazuar të dominuar nga demonstrimet që kërkonin revolta politike dhe aksion për ndryshimet e klimës.<br /><br />Performuesit në Times Square, mes të cilëve edhe Alanis Morissette, pushtuan skenën para performancës së shumëpritur të sensacionit K-Pop, BTS.<br /><br />Në Kili ndërkohë, me mijëra demonstrues u mblodhën në sheshin Italia të Santiagos, epiqendra e protestave kundër qeverisë së vendit që nga tetori, për të festuar një vit të ri me dinjitet. Por, një nga festat më të mëdha të vitit të ri, u mbajt pa dyshim në Rio De Janeiro, në Brazil, me rreth 3 milionë pjesëmarrës. Pjesa më e madhe e tyre, të veshur me të bardha, ndiqnin koncertet dhe panë spektaklin tradicional të fishekzjarreve në plazhin Copacabana.<br /><br />Në kryeqytetin francez, dhjetëra e mijëra vetë u mblodhën në Champs Elysees, pavarësisht grevës së transporteve që ka shkaktuar javë telashe për udhëtarët. Edhe vetë festuesit u mblodhën në shëtitore duke shkuar atje më këmbë, me biçikleta apo me taksi, për të pritur dekadën e re nën spektaklin e dritave që ndriçoi harkun e triumfit.<br /><br />Ndërsa në Londër, mijëra njerëz u mblodhën në brigjet e Tamizit për të parë fishekzjarret e hedhura nga syri i Londrës, në të fundit vit të ri para Brexitit.<br /><br />Kambanat e Big Benit kumbuan për 12 herë pasi kishin qëndruar të heshtura prej kohësh.<br /><br />Fishekzjarret ofruan një spektakël të rrallë edhe në rubai, përreth Burhj Khalifa-s, ndërtesës më të gjatë në botë.<br /><br />Në bregun e fildishtë, spektakli piroteknik u reflektua në ujërat e lagunës Ebrie ndërsa Sidnei, i mbuluar nga tymi i zjarreve që po zhurisin të gjithë Australinë, hyri në vitin e ri me një spektakël të jashtëzakonshëm fishekzjarresh, pavarësisht një peticioni për anulimin e tij që u nënshkrua nga më shumë se 280 mijë vetë. Por spektakli vazhdoi. Më shumë se 100 mijë fishekzjarre ndriçuan qiellin dhe mahnitën qindra e mijëra spektatorë.<br /><br />Pas më shumë se gjashtë muajsh demonstrata të përvitshme, Hong Kongu hyri në 2020 me gaz lotsjellës dhe ujë me presion. Protestuesit pro demokracisë, nuk u ndalën as gjatë ndërrimit të viteve.<br /><br />Në Korenë e veriut, një turmë e madhe u mblodh për një koncert në qendër të Penianit ndërsa mesnata trokiti. Fishekzjarret u dogjën në qiell mbi një skenë të ndriçuar ku u panë shumë performanca.<br /><br />Përtej kufirit, jug-koreanët, mbajtën ceremonitë e kambanave, një ritual tradicional që shënon fillimin e vitit të ri, me mijëra vetë që ndoqën në qendër të Seulit performancat e yjeve koreanë të popit.<br /><br />Për më shumë vizitoni: http://top-channel.tv/<br /><br />Subscribe to "Top Channel" on YouTube Channel for NEWS and TV <br />...
