2020 ka nisur mbarë për shkrimtarin Ismail Kadare, i cili është nderuar nga Presidenti francez Emmanuel Macron me titullin e lartë shtetëror ?Oficer i Madh i Legjionit të Nderit?.<br />Përmes një dekreti të posaçëm që mban datën 31 Dhjetor, Kadare e ka marrë këtë titull që e gëzojnë 250 personalitete në Francë.<br />Krahas Kadaresë, me këtë titull Presidenti Macron ka nderuar edhe shkrimtaren me origjinë bullgare Julia Kristeva, si dhe sociologen Claudine Herzlich dhe egjiptologun Christiane Ziegler.<br />Legjioni i Nderit është dekorata më e lartë që jepet në Francë. Ky titull akordohet për trimëri në veprimet ushtarake ose për shërbim ushtarak 20-vjeçar të dalluar, por edhe në rastet e civilëve, kur puna e tyre ndikon në rritjen e reputacionit të Francës përmes studimeve, artit, shkencës, politikës etj. <br />Promovimi civil i Legjionit të Nderit më 1 Janar mbledh 487 njerëz ?të ndarë midis 395 kalorësve, 73 oficerëve, 13 komandantëve, 4 oficerëve të madh dhe 2 kryqeve të mëdha?.<br />Ky titull për shkrimtarin shqiptar Ismail kadare vjen pas atij ndërkombëtar korean ?The Pak Kyongi 2019? të marrë në muajin Tetor të vitit që lamë. <br />Kadare është nderuar me mbi 13 medalje e çmime në Francë, Britani, Spanjë, Izrael, Itali, Austri, Rumani, Kosovë e Shqipëri.<br />Për dhënien e këtij titulli ka reaguar edhe Presidenti Ilir Meta. Përmes një postimi në rrjetet sociale kreu i shtetit krahas vlerësimit për shkrimtarin Ismail Kadare uron që të jetë një fillim i mbarë në këtë ditë të parë të 2020 për afirmimin e merituar europian të popullit tonë!
