Teksa përgjatë muajit Janar pritet të dalë fatura financiare e dëmeve të shkaktuar nga termeti, në Durrës 4 mije qyetarë ende po qëndrojnë në hotele, ndërsa mbi 6 mijë në çadra, tek të afërmit apo në shtëpi me qera. <br />6 janari diskutohet si dita kur të pastrehët duhet të lenë hotelet dhe njëkohësisht do të jepet bonusi i qerasë me një kohëzgjatje 12-18 muaj, për 3800 persona. <br />Në Durrës ende nuk ka një statistikë përfundimtare të banesave apo pallateve të deklaruara të banueshme ose jo. Nga 42 mijë vetëdeklarime te banorëve, grupet e vlerësimit kanë mundur të inspektojnë vetëm 31 mijë prej tyre. <br />Nga këto 12 mijë kanë pësuar dëmtime të renda, por të riparueshme, 1600 dëmtimet në strukturë që i bëjnë të pabanueshme. Pjesa tjetër mbetet ende në proces vlerësimi. <br />Ndërkaq përgjatë vitit qe lamë pas, 300 qytetarë kanë aplikuar pranë njësive administrative për t?i bërë vetë punimet në shtëpitë e tyre të dëmtuara lehtë. Gjithashtu nga 30 firma ndërtimi që kanë aplikuar në bashki, deri më tani leja është miratuar vetëm për 13 prej tyre.<br />Ata do të kryejnë ndërhyrje në pallatet e ndërtuara, në vitet e fundit nga vetë ato, por që u dëmtuan nga termeti i 26 Nëntorit. Kohëzgjatja e punimeve do te jetë 5 muaj.<br />Ndërkaq nga 90 objekte, 1 deri në 6 katë të planifikuara për t?u shembur në Durrës, ka përfunduar procesi vetëm në 30 prej tyre.
