Arkiva Lajme - Tv Klan 2000<br /><br />Procesi elektoral në Shqipëri sjell në Tiranë Robert Frowik. Nëse ky proces ka thënë ai dje do të jetë i lirë dhe demokratik, atëher dhe mbështetja amerikane do të jetë më e madhe. Përball këtij kushti lëvizjet kanë filluar. Frowik takohet me Metën, Mejdanin, përfaqësues të partive politike etj. Nga ana tjetër edhe ambasadori Ahrens konsultohet me Mejdanin për procesin electoral. <br /><br />Dhe fill pas kësaj nga selia e OSBE-së në Tiranë vjen ultimatumi i ekspertëve ndërkombëtar se konsultimet rreth draftit elektoral të cilat po zhvillohen çdo ditë në selinë e OSBE-së me ekspertë dhe të partive politike shqiptare, duhet të përfundojnë në datën 7 Prill. Në rast të kundërt në parlament duhet të kaloj drafti nga qeveria shqiptare. <br /><br />Eksperti i PD Ilir Rusmajli është shprehur sot se ky është një afat që arrihet dhe se për të është më i rëndësishëm konsensusi. Ndërsa për përfaqësuesin e PS Spartak Braho data e përfundimit duhet të ishtë 31 Marsi dhe jo 7 Prilli. Braho nuk beson në arritjen e kompromisit në këto diskutime, ku përfshihet dhe pika e nxehtë e diskutimit të KQZ. Gjithsei konsultimet rreth kodit elektoral vazhdojnë çdo ditë në selinë e OSBE-së në Tiranë./tvklan.al<br /><br />Gazetare ? Mimoza Picari
