Arkiva Lajme - Tv Klan 2000<br /><br />Shqipëria rrezikon të fitoj shifra minimale në mbështetjen financiare për 16 projektet e paraqitura në tryezën e paktit të stabilitetit për demokracinë dhe të drejtat e njeriut. Në mbledhjen e tryezës kombëtare, kryetarja Kozara Kati, theksoi se vëtëm dy apo tre projekte rajonale që përfshin të drejtat e njeriut median, qeverisjen lokale dhe minoritetet, janë inicuar nga pala shqiptare. <br /><br />Janë rreth 166 milion euro që donatorët kanë planifikuar të shpërndajnë në Bruksel në tryezën e demokracisë dhe të drejtave të njeriut. Anëtarët e kësaj tryeze ngritën zërin për mos pjesmarrjen në mbledhje të përfaqësuesve të ministrisë së jashtme. <br /><br />Ndër projektet e propozuara veçohet ai për burgjet, pasi sipas ekspertëve të ministrisë së drejtësisë burgjet shqiptare janë plot e përplot me të burgosur, të cilët flejnë përtokë./tvklan.al <br /><br />Gazetar ? Vladimir Lame
